KAHOO...!!



sham'ma ghazal ki luo ban jaye, aisa misra'a ho to kaho
ek ek hurf main soch ki khushbu, dil ka ujala ho to kaho

raaz-e-muhabbat kehne wale loag to lakhon milte hain
raaz-e-muhabbat rakhne wala hum sa dekha ho to kaho

kon gawahi de ga uth ker jhooton ki is basti main
sach ki qeemat de sakne ka tum main yaara ho to kaho

waise to har shakhs k dil main aik kahani hoti hai
hijar ka lawa, gham ka saleeqa, dard ka lehja ho to kaho

AMJAD saheb aap ne bhi to duniya ghoom k dekhi hai
aisi aankhein hain to batao aisa chehra ho to kaho